Simba yaichapa Vipers Fc 1-0

Mnyama ameunguruma uwanja wa St Marry's Kitende nchini Uganda kwa ushindi wa bao 1-0 dhidi ya vipers Fc katika mchezo wa ligi ya mabingwa

Alikuwa ni Hennock Inonga Baka aliyefunga bao pekee la Simba kwenye dakika ya 20 akimalizia mpira wa adhabu uliopigwa na Mohammed Hussein 'Zimbwe Jr'

Simba leo imecheza kwa nidhamu na tahadhari kubwa huku ikiwa hatari kupitia mashambulizi ya haraka

Ulikuwa mchezo ambao Simba ilihitaji ushindi ili kuweka hai matumaini ya kufuzu hatua ya robo fainali ligi ya mabingwa

Alama tatu kibindoni, sasa alama nyingine tatu zinahitajika kwenye mchezo wa marudiano ambao utapigwa uwanja wa Benjamin Mkapa wiki ijayo