Mkude aikosa Njombe Mji

Kiungo mahiri wa Simba Jonas Mkude hatakuwa sehemu ya kikosi cha timu hiyo kinachoivaa Njombe Mji leo imefahamika.

Licha ya kuanza mazoezi, imeelezwa Mkude bado hayuko fiti kuweza kuhimili mikiki mikiki ya mchezo huo ambao Simba inahitaji ushindi ili iweze kujiimarisha kileleni kwa tofauti ya alama tatu dhidi ya mahasimu wao Yanga.

Baada ya mchezo huo Simba itasafiri kwenda mkoani Morogoro kuikabili Mtibwa Sugar, April 09.

Mkude huenda akawa amepona na kuweza kuwakabili wakata miwa hao wa Mtibwa.