Wakati akizungumza kwenye Mkutano na Wanahabari uliofanyika Serena Hotel mapema leo, Afisa Habari wa klabu ya Simba Haji Manara alidokeza kuwa tayari wamekamilisha usajili wa wachezaji watatu ambao wanasubiri kutangazwa wakati mwafaka utakapofika
Aidha Manara amesema kwa sasa Simba imeshatoka katika utamaduni wa miaka ya nyuma ambapo kwa sasa usajili wao si kila mmoja anaweza kufahamu mpaka pale watakapotangaza
"Tumejiwekea wigo hivi, tumekubaliana na bosi wetu kuwa hili letu. Baadhi yenu (Wanahabari) mmeshazoea habari za udaku sasa kwa kuwa hamzipati kutoka kwetu mmeanza kujenga 'bifu' dhidi yetu. Mimi kama Msemaji wa klabu ya Simba nina wajibu la kuilinda taaluma yangu kama mfanyavyo nyie"
"Simba nakwambia tumeshasajili wachezaji watatu, nawaibia hiyo siri lakini hakuna anayejua kati yenu, hamtajua mpaka siku tutakapotangaza.
"Tumekubaliana na tunafanya hivyo huu ni mwaka wa pili usajili wetu hauvuji," alisema Manara
