Kituo kinachofuata ni Mbeya City

Baada ya ushindi wa bao 1-0 dhidi ya Polisi Tanzania hapo jana, mabingwa wa nchi Simba wanarejea jijini Dar es salaam kwa ajili ya mchezo wa ligi kuu dhidi ya Mbeya City ambao utapigwa keshokutwa Jumanne katika uwanja wa Benjamin Mkapa

Simba imefikisha alama 70 baada ya kushuka dimbani mara 28. Wababe hao wa soka Tanzania wanahitaji alama nyingine sita tu kutangaza ubingwa

Ushindi dhidi ya Mbeya City utarahisisha kazi zaidi. Mchezo utakaofuata kwenye ligi ni dhidi ya Yanga, Julai 03

Mnyama anaweza kutangaza ubingwa kupitia mchezo huu akihitaji ushindi au matokeo ya sare

Kabla ya mchezo wa Yanga, Juni 26 Simba itasafiri Songea kwa ajili ya mchezo wa nusu fainali kombe la FA dhidi ya Azam Fc