Kocha Mkuu wa Simba Didier Gomes amesema vijana wake wako tayari kwa mchezo wa ligi kuu dhidi ya Polisi Tanzania ambao utapigwa kesho Jumamosi katika uwanja wa CCm Kirumba
Akizungumza katika mazoezi yaliyofanyika uwanja wa Nyamagana jana, Gomes alisema wana malengo ya kushinda ubingwa mapema hivyo wanahitaji kushinda mchezo dhidi ya Polisi
"Tumeweka malengo, tunahitaji kushinda ili tuweze kuwa mabingwa. wachezaji wote wana morali ya juu kuelekea mchezo dhidi ya Polisi Tanzania"
"Tumekuwa na changamoto kadhaa kwenye kujilinda katika michezo iliyopita, tumefanyia kazi hilo. Pamoja na kuwa sisi tuna timu bora lakini ni muhimu kujikumbusha baadhi ya majukumu. Mara nyingi nimesema, nina wachezaji wazuri na najivunia kuwa kocha wao," alisema Gomes
Kimahesabu, Simba inahitaji kushinda michezo mitatu tu ili kuibuka na ubingwa wa ligi kuu kwa msimu wa nne mfululizo
Ushindi dhidi ya Polisi Tanzania utawasogeza mabingwa wa nchi karibu zaidi na ubingwa
Inawezekana kabisa, mchezo dhidi ya Yanga Julai 03 Simba ikaingia uwanjani ikiwa tayari ni bingwa
