Tukio la kumpoteza Mama wa watoto wake ni wazi limemuumiza sana kiungo wa Simba Clatous Chama
Chama anatarajiwa kuandaliwa program maalum itakayomfanya arejee vyema katika majukumu yake
Wakati mwingine anaweza kuhitaji muda na usaidizi wa kisaikolojia kuweza kuwa sawa
Kocha wa viungo Adel Zrane amesema Chama anahitaji kusaidiwa kisaikolojia ili asiathiriwe na msiba huo mkubwa alioupata
"Unajua utimamu wa saikolojia ni muhimu sana kwa mchezaji ili aweze kufanya vizuri, mchezaji anaweza kuandaliwa katika kila eneo lakini kama saikolojia yake haitakuwa sawa basi hawezi kufanya vizuri"
"Kama kikosi tumesikitishwa sana na tukio la Chama kumpoteza mke wake, ni jambo gumu na tayari kama benchi la ufundi tumeandaa programu maalum ya kumjenga kiakili na kimwili ili kumsaidia arejee katika kiwango chake pale atakapojiunga na kikosi," alisema Adel
Uongozi wa Simba umempa Chama mapumziko aweze kuomboleza msiba huo kabla hajarejea nchini kuendelea na majukumu yake
