Kikosi cha Simba kimerejea kwenye mashindano ya ndani wakihitaji kutetea mataji yote waliyotwaa msimu uliopita
Ni baada ya jitihada za michuano ya ligi ya mabingwa kufikia tamati katika hatua ya robo fainali mwishoni mwa wiki iliyopita
Simba leo itashuka uwanja wa Benjamin Mkaba kuikabili Dodoma Jiji katika mchezo wa robo fainali michuano ya kombe la Shirikisho la Azam (ASFC)
Mchezo utapigwa kuanzia saa moja usiku
Meneja wa Simba Patrick Rweyemamu amesema wanarejea uwanjani leo wakiwa na malengo na wataendeleza kasi ileile waliyokuwa nayo katika michuano ya ligi ya mabingwa
Huu utakuwa mchezo wa kwanza baada ya Simba kuondoshwa katika michuano ya ligi ya mabingwa
Ni mchezo ambao wachezaji wa Simba watautumia kuwafuta machozi mashabiki wao
Pia ni mchezo ambao kocha Didier Gomes anaweza kuwapa nafasi wachezaji wengine ambao hawakuwa na nafasi au mwendelezo mzuri katika kikosi cha kwanza
