Habari njema kwa Wanamsimbazi ni kurejea kikosini kwa wachezaji Joash Onyango na Taddeo Lwanga waliopata majaeraha kwenye mchezo wa robo fainali michuano ya ligi ya mabingwa dhidi ya Kaizer Chiefs mwishoni mwa wiki
Taarifa iliyotolewa na Simba imebainisha kuwa hali za wachezaji hao zimeimarika
Tayari wameanza mazoezi na wenzao kuelekea mchezo wa robo fainali kombe la FA dhidi ya Dodoma Jiji utakaopigwa kesho Jumatano katika uwanja wa Benjamin Mkapa
Daktari wa Simba, Yassin Gembe amesema hali za nyota hao zinaendelea vizuri ndiyo maana ameruhusu kufanya mazoezi ingawa wanaendelea kuwa chini ya uangalizi wa madaktari.
"Onyango na Taddeo wameanza mazoezi na wenzao leo hali zao zinaendelea vizuri kabisa lakini tunaendelea kuwaweka chini ya uangalizi wa madaktari ili wasipate maumivu mengine,” am Dk. Gembe aliiambia tovuti ya Simba
