Morrison anatua Afrika Kusini leo

Winga wa Simba Bernard Morrison ameondoka jijini Dar es salaam mapema kuelekea Afrika Kusini kuungana na wenzake wanaoendelea na maandalizi ya mchezo wa robo fainali ligi ya mabingwa barani Afrika dhidi ya Kaizer Chiefs

Mchezo huo utapigwa Jumamosi, May 15, uwanja wa FNB huko kwa Mzee Madiba

Morrison anakwenda kukiongezea nguvu kikosi cha kocha Didier Gomes ambaye amepania kupata ushindi ugenini ili kujiweka katika nafasi nzuri ya kutinga nusu fainali

Morrison atakuwa silaha muhimu kwa Simba katika mchezo huo kwani amewahi kucheza soka hapo Afrika Kusini kwa mafanikio makubwa

Aliitumikia klabu ya Orlando Pirates kwa misimu mitatu kabla ya kuelekea DR Congo kujiunga na DC Motema Pembe