Wachezaji wa Simba wamekusanya jumla ya Tsh Milioni 100 baada ya kushinda michezo mitano mfululizo ligi kuu ya Vodacom
Ushindi wa mabao 3-1 waliopata Simba dhidi ya Dodoma Jiji jana, ulikuwa wa tano mwezi huu April na hivyo kujihakikishia kitita hicho cha fedha
Mwina Kaduguda ambaye amewahi kuwa Kaimu Mwenyekiti wa Simba, amesema fedha hiyo ni ya sambusa za wachezaji tu
"Sisi kila mchezo tunaoshinda wachezaji wanapata Milioni 20, haijalishi tumefunga mabao mangapi. Hiyo ni hela ya kula sambusa tu," alitamba Kaduguda
Katika mwezi April Simba imecheza mechi saba, imeshinda sita na kupoteza mchezo mmoja wa ligi ya mabingwa dhidi ya Al Ahly
Aidha pamoja na kukabiliwa na ratiba ngumu ya kucheza kila baada ya siku tatu kwenye ligi, Simba imeweza kushinda mechi zote tano na hivyo kurejea kileleni mwa msimamo wa ligi baada ya kufikisha alama 61
