Mgogoro wa mchezaji Asante Kwasi na klabu ya Simba haukuanza leo. Baada ya mkataba wake kuvunjwa na Simba miaka miwili iliyopita, Kwasi alipeleka malalamiko FIFA akidai 'amepunjwa' stahiki zake
Simba ilishinda kesi ya awali lakini Kwasi hakukubaliana na hukumu iliyotolewa hivyo akakata rufaa
Taarifa iliyotoka jana ni kuwa Kwasi ameshinda rufaa hiyo hivyo klabu ya Simba imeamuliwa kumlipa fedha anazodai (hazijawekwa wazi) ndani ya wiki mbili
Simba haijafungiwa na FIFA kama wengine wanavyopotosha, hatua hiyo inaweza kuchukuliwa kama Kwasi hatalipwa ndani ya muda uliotolewa na FIFA
Wengi wasichofahamu sio kwamba Simba ilishindwa kumlipa Kwasi, bali kulikuwa na mgogoro kuhusu mkataba aliokuwa amesaini na Simba
Ni sababu hiyo iliyopelekea kesi kwenda kuamuliwa FIFA
