Yanga, Simba kucheza bila ya mashabiki mikoani

Klabu ya Mbeya City imezuiwa kucheza na mashabiki katika uwanja wake wa nyumbani wa Sokoine Jijini Mbeya, baada ya kukiuka mwongozo wa Wizara ya Afya juu ya tahadhari dhidi ya corona katika mchezo wao dhidi ya Simba

Kulingana na taarifa iliyotolewa leo na Wizara ya Habari, Utamaduni, Sanaa na Michezo, Serikali imezuia mashabiki kuingia viwanjani katika mechi zote zinazohusu vilabu vya Simba na Yanga nje ya Dar es Salaam

Mashabiki wamekuwa wakijitokeza kwa wingi katika mechi za mikoani zinazohusisha vilabu hivyo vikongwe zaidi nchini

JKT Tanzania inayotumia uwanja wa Jamhuri mkoani Dodoma , ilikuwa klabu ya kwanza kufungiwa baada ya mashabiki kufurika kwenye mchezo dhidi ya Yanga