Chama mchezaji bora wa wiki CAF

Kiungo wa Simba Clatous Chama amechaguliwa kuwa mchezaji bora wa wiki michuano ya ligi ya mabingwa barani Afrika

Chama ametwaa tuzo hiyo baada ya kupigiwa kura nyingi na mashabiki wa soka Afrika

Amewashinda Amir Sayoud (CR Belouizdad), Ricardo Goss (Mamelodi) na Ferjani Sassi (Zamalek)

Chama alikuwa shujaa katika mchezo dhidi ya AS Vita akifunga mabao mawili na kutoa pasi moja ya bao

Yeye pamoja na winga Luis Miquissone waliingia katika kikosi bora cha wiki CAF

Tuzo hizi zimekuwa kawaida kwa wachezaji wa Simba katika michuano hiyo msimu huu