Kagere, Miquissone kukamilisha majukumu ya Afcon leo

Washambuliaji wa Simba Meddie Kagere na Luis Miquissone leo wanakamilisha majukumu ya timu za Taifa pale watapoziongoza timu zao kucheza mechi za mwisho kukamilisha ratiba ya michuano hiyo

Msumbiji itakuwa nyumbani kuchuana na Cape Verde wakati Rwanda itakuwa ugenini dhidi ya Cameroon

Wakati Cameroon ikiwa tayari imejihakikishia nafasi, Rwanda, Msumbiji na Cape Verde zinawania nafasi moja iliyobaki

Kama Rwanda wataifunga Cameroon wanaweza kufuzu wakati ni hivyo hivyo kwa Msumbiji dhidi ya Cape Verde inayohitaji angalau alama moja tu

Baada ya michezo ya leo, nyota hao wanatarajiwa kurejea jijini Dar es salaam haraka kuwahi mchezo wa ligi ya mabingwa dhidi ya AS Vita ambao utapigwa April 03 katika uwanja wa Benjamin Mkapa