Pamoja na kuwakosa nyota wake 18 wanaokabiliwa na majukumu ya timu za Taifa, kikosi cha Simba kinaendelea na mazoezi kujiandaa na mchezo wa ligi ya mabingwa dhidi ya AS Vita ambao utapigwa April 02 katika uwanja wa Benjamin Mkapa
Mkufunzi wa Simba Didier Gomes amesema wanatarajia mchezo wenye ushindani mkali kutoka kwa AS Vita kwani timu zote kuhitaji matokeo kuweza kusonga mbele
Simba inahitaji angalau alama moja tu iweze kutinga robo fainali wakati AS Vita wanahitaji ushindi kuweka hai matumaini ya kufuzu robo fainali
Katika msimamo Simba imejikusanyia alama 10 ikiwa inaongoza kundi A wakati AS Vita wako nafasi ya tatu wakiwa na alama nne
Gomes amesema ni muhimu kwa wachezaji wake kujiandaa kikamilifu kwani mchezo huo hautakuwa mwepesi
"Nimewaambia wachezaji kwamba haitakuwa kazi nyepesi kwetu na kila timu inahitaji ushindi hivyo ni muhimu kujipanga vizuri. Ikiwa tutashindwa kupata matokeo itakuwa ngumu kwetu kufikia malengo ya hatua ya robo fainali hivyo tupo tayari kufanya vizuri," amesema Gomes
