Eymael kutua wiki hii

Kocha Mkuu wa Yanga Luc Eymael anatarajiwa kurejea wiki hii kuendelea na majukumu yake kwenye kikosi cha mabingwa hao wa kihistoria

Kumekuwa na changamoto ya usafiri kwa Mbelgiji huyo ambaye amekwama nchini kwao, Ubelgiji ikiwa bado imefunga mipaka

Afisa Habari wa Yanga Hassan Bumbuli amesema taratibu zote za safari yake zimekamilika na wanatarajia wiki hii atawasili

"Tunategemea kocha wetu atawasili nchini siku yoyote wiki hii. Kulikuwa na changamoto ya usafiri wa anga Ubelgiji lakini tayari wamefungua hivyo tunatarajia ataianza safari siku yoyote na pengine safari ya Shinyanga tutakuwa nae, " amesema

Wakati Eymael akisubiriwa, kikosi cha Yanga kinaendelea na mazoezi chini ya kocha msaidizi Charles Mkwasa