Mchampioni wa soka Tanzania Simba waliwasili salama jijini Kinshasa jana kuelekea mchezo wa ligi ya mabingwa dhidi ya AS Vita ambao utapigwa kesho Ijumaa Februari 12 nchini Congo (DR)
Baada ya kutua, jioni walifanya mazoezi Stade De Martyrs, uwanja ambao utatumika katika mchezo huo
Akizungumzia maandalizi ya kikosi, Msemaji wa Simba Haji Manara amesema vijana wote wako salama, wakiwa na ari kubwa kuelekea mchezo huo
"Tunashukuru tumewasili salama na usiku huu (jana) tumepata nafasi ya kufanya mazoezi katika uwanja ambao mchezo utachezwa. Ari ya wachezaji iko juu, tumekuja hapa kusaka ushindi wetu wa kwanza kwenye hatua ya makundi, tunaomba dua zenu huko nyumbani ili tuweze kufanya vizuri"
"Uwanja utakaotumika (Stade De Martyrs) ni wa nyasi bandia, hauko katika ubora sana ukilinganisha na uwanja wetu wa Benjamin Mkapa lakini hiyo haiwezi kuwa sababu ya kutofanya vizuri kwani tumejiandaa kupambana katika mazingira yoyote," alisema Manara
Simba itakamilisha maandalizi yake ya mwisho leo katika uwanja wa Mashujaa hapo jijini Kinshasa
