Niyonzima yuko India

Kiungo fundi wa Simba, Haruna Niyonzima hajaonekana kwenye kikosi cha Simba kwa zaidi ya miezi mitatu akikabiliwa na majeraha ya goti.

Simba tayari imemsafirisha kiungo huyo Mnyarwanda kwenda nchini India kwa ajili ya matibabu.

Mkuu wa Idara ya Habari klabu ya Simba Haji Manara amesema baada ya matibabu hayo Niyonzima anatarajiwa kurejea dimbani mapema.

Msimu huu Simba imekuwa na utaratibu wa kuwapeleka India wachezaji wake majeruhi wa mda mrefu kwa matibabu zaidi na ya uhakika.