Mabingwa wa nchi Simba wameondoka jioni ya leo Jumanne kuelekea DR Congo ambako wanakabiliwa na mchezo wa ligi ya mabingwa dhidi ya AS Vita ambao utapigwa Ijumaa ya wiki hii
Akizungumza muda mfupi kabla ya kuondoka nchini, kocha mkuu wa Simba Didier Gomes amesema wamefanya maandalizi ya kutosha kuelekea mchezo huo wa kwanza kundi A
Aidha, Gomes amesema amewaelekeza wachezaji wake wahakikisha wanatumia kila nafasi watakazopata katika mchezo huo
"Tunakwenda DR Congo tukiwa na malengo. Nimewaambia wachezaji wangu hatupaswi kufanya makosa, tutumie nafasi tunazo-tengenezai"
"Najua tutapata nafasi katika mchezo huo, ni muhimu sana kuzitumia"
"Lakini pia hatupaswi kufanya makosa katika ulinzi hasa kuwaachia wapinzani nafasi kubwa. Tulifanya makosa hayo katika mchezo dhidi ya Azam Fc"
"Nimewaelekeza wachezaji wangu kuwa hatupaswi kuacha nafasi kubwa kati yetu. Tunakwenda DR Congo tukiwa na kikosi kamili hatutaki kukumbana na changamoto hasa wakati huu wa janga la corona," alisema Gomes
Simba imeondoka nchini ikiwa na kikosi cha wachezaji 27
