Kagere anaandika rekodi yake VPL

Jana baada ya mchezo dhidi ya Azam Fc, Meddie Kagere 'MK-14' alirejea kileleni miongoni mwa vinara wa upachikaji mabao ligi kuu ya Vodacom

Bao lake alilofunga kwenye mchezo huo uliomalizika kwa matokeo ya sare ya mabao 2-2, limemfanya afikishe mabao tisa, sasa akimzidi nyota mwingine wa Simba nahodha John Bocco aliyefunga mabao nane

Akiwa mfungaji bora kwa misimu miwili mfululizo, Kagere anafukuzia rekodi ya kuondoka na kiatu cha dhahabu kwa msimu wa tatu

Kagere amerejea katika ubora wake, unaweza kuwa msimu mwingine wa mafanikio kwake

Wanasema siku njema huonekana asubuhi, Mnyarwanda huyo ameonyesha kuwa mchezaji muhimu katika kikosi cha kocha Didier Gomes