Mabingwa kurejea Dar leo

Simba ilimaliza vyema kazi iliyowapeleka mkoani Dodoma baada ya kuichapa Dodoma Jiji mabao 2-1 katika mchezo wa ligi kuu na kufanikiwa kuondoka na alama zote tatu

Mtendaji Mkuu wa mabingwa hao wa nchi Barbara Gonzalez amesema timu inarejea jijini Dar es salaam leo Ijumaa kuendelea na maandalizi ya mchezo unaofuata dhidi ya Azam Fc

Mtanange huo utapigwa keshokutwa Jumapili katika uwanja wa Benjamin Mkapa muda wa mchezo huo ukipangwa kuwa saa moja usiku

Simba imedhamiria kushinda michezo yote ya viporo ili kurudi katika nafasi yao ya kwanza ambayo wameimiliki kwa misimu mitatu mfululizo...!