Kocha Mkuu wa Simba Didier Gomes amesema kikosi chake kitakuwa na mabadiliko katika mchezo wa Simba Super Cup dhidi ya TP Mazembe ambao utapigwa kesho Jumapili, uwanja wa Benjamin Mkapa
Akizungumza katika Mkutano na Wanahabari mapema leo, Gomes amesema anahitaji kuwaona wachezaji wake wote hivyo mabadiliko hayo yatalengo kusudio hilo
"Kutakuwa na mabadiliko ya kikosi kwenye mchezo wa kesho sababu nataka kuwaona wachezaji wengine," amesema Gomes
Naye Meneja wa Simba Abbas Ally amesema wachezaji wote wako tayari kwa mchezo huo ukiondoa nyota waliokuwa na majukumu ya timu ya Taifa kule Cameroon
"Wachezaji ambao watakosekana kwenye mchezo wa kesho ni wale ambao walikuwa kwenye kikosi cha timu ya Taifa kilichoshiriki CHAN, lakini tayari wameingia kambini lakini sababu hawajashiriki mazoezi na wenzao watakosekana."
Waziri wa Habari, Utamaduni, Sanaa na Michezo Mhe. Innocent Bashungwa atakuwa mgeni rasmi katika mchezo huo ambao utapigwa kesho Jumapili kwenye dimba la Mkapa kuanzia saa 10:00 jioni
