Timu ya Taifa ya Tanzania imeondoka Alfajiri ya leo kuelekea Cameroon kushiriki michuano ya CHAN inayohusisha wachezaji wa ndani
Baada ya kulazimishwa sare ya bao 1-1 dhidi ya DR Congo juzi katika mchezo wa kirafiki, kocha mkuu wa Stars Etienne Ndayiragije atakuwa na takribani siku nne za kukiweka sawa kikosi chake kabla ya mchezo wa kwanza katika michuano hiyo dhidi ya Zambia ambao utapigwa Jumanne, Januari 19 2021
Mchezo utakaofuata ni dhidi ya Namibia na utapigwa Januari 23 kabla ya kumaliza mchezo wa mwisho kwenye hatua ya makundi dhidi ya Guinea Januari 27
Hii ni mara ya pili kwa Tanzania kushiriki fainali za michuano hiyo wakifanya hivyo kwa mara ya kwanza mwaka 2009
ADVERTISE HERE
