Mashabiki wa Yanga kwa sasa wamekuwa na furaha baada ya kusikia uongozi wa timu hiyo unatarajia kumrejesha mchezaji wao wa zamani, Heritier Makambo katika kipindi cha dirisha kubwa la usajili.
Makambo alijiunga na Horoya FC msimu uliopita kwa mkataba wa miaka mitatu hivyo Yanga kupitia mdhamini wao GSM, yupo tayari kwenda kuvunja mkataba huo na kumrejesha tena kuendelea kuitumikia Yanga ili kuendelea kuwafurahisha mashabiki.
Makambo ambaye awali alijijengea umaarufu mkubwa ndani ya timu hiyo baada ya kufanya vizuri kwa uhodari wake wa kupachika mabao, ambapo alifunga mabao 18 kwenye ligi ndani ya msimu wake wa kwanza na baadae aliachana na mabingwa hao wa kihistoria na kujiunga na Klabu ya Horoya FC ya Guinea.
Ni wazi Makambo hawezi kusahaulika ndani ya Yanga kutokana na kuonesha thamani aliyoitendea timu hiyo kwa msimu uliopita, kiasi cha kuwapa matumanini mashabiki ambao wanaamini kwamba ujio wake utarejesha makali ya Yanga katika kuzifumania nyavu
Msimu huu Yanga pengine ndio imefunga mabao machache zaidi katika kipindi cha miaka 10 iliyopita
Yanga imefunga mabao 31 tu ikizidiwa na idadi ya mabao na timu kama Namungo Fc iliyopanda daraja msimu uliopita
Ni wazi pengo la Makambo linaonekana wazi, kwani safu ya ushambuliaji imekuwa tatizo kubwa kutokana na ubutu wa nyota waliopo kushindwa kufanya kweli
Kama Makambo atarejea na kiwango alichoondoka nacho,bila shaka atawarejeshea mashabiki heshima wanayompa sasa
Kwani kama usajili wake utafanikiwa, atapaswa kuwashukuru mashabiki wa Yanga kwani ndio watakaokuwa wamemrejesha
