Mshambuliaji wa Simba Miraji Athumani anaongoza mbio za ufungaji bora kwenye michuano ya kombe la Mapinduzi akiwa ameweka kambani mabao manne
Leo anatarajiwa kuwa silaha muhimu ya Simba kwenye mchezo dhidi ya Yanga utakaopigwa kuanzia saa mbili na robo usiku
Simba imefunga zadi ya mabao mawili kwenye kila mchezo waliocheza katika michuano hiyo, leo wameahidi mwendo ni huohuo
Aidha kukosekana kwa baadhi ya wachezaji muhimu wa kikosi cha kwanza, ni nafasi kwa nyota wengine kung'ara na kujitengenezea mazingira ya kuaminiwa na kocha Selemani Matola
Simba itawakosa wachezaji sita walioitwa timu ya Taifa, ambao ni Aishi Manula, Ibrahim Ame, Erasto Nyoni, John Bocco, Said Khamis Ndemla na Shomari Kapombe
Wachezaji Paschal Wawa na Luis Miquissone ni majeruhi huku Wazambia Clatous Chama na Rally Bwalya nao wakitarajiwa kukosekana
