Aliyekuwa Kocha Mkuu wa Simba Sven Vandenbroeck amewaachia ujumbe wa shukrani Wanamsimbazi baada ya kuacha majukumu yake kutokana na matatizo ya kifamilia
Kupitia ujumbe alioweka kwenye ukurasa wake wa mtandao wa kijamii, Sven ameeleza kufurahia kipindi chote alichofanya kazi Simba
"Nimeachana kwa amani na Simba ili nipate nafasi ya kuwa karibu zaidi na familia yangu, na kwa maendeleo yangu binafsi. Nafanya hivyo kwa moyo mzito kwa sababu nimekuwa sehemu ya Simba na Simba imekuwa sehemu yangu"
"Nawashukuru wachezaji wote kwa mchango wao katika mafanikio yetu na mashabiki kwa kumbukumbu zote nzuri"
"Ninamshukuru sana Mo na Mkurugenzi Mtendaji Barbara kwa weledi wao na kwa kunisaidia kufanya kazi yangu vyema."
"Wote wawili walijaribu kunishawishi nibaki hadi sekunde ya mwisho. Siku zote nitaitakia Simba mafanikio makubwa," aliandika Sven
