Mohammed Soloka ni mmoja wa wagombea wa nafasi ya Mwenyekiti wa klabu ya Simba ambaye alikuwa akipewa nafasi ya kufanya vizuri kwenye uchaguzi kutokana na umaarufu wake miongoni mwa wanachama wa klabu ya Simba
Hata hivyo hakuweza kuvuka raundi ya kwanza ya mchujo, kwani jina lake limeenguliwa katika hatua hiyo
Soloka amesema pamoja na kuwa hakuridhishwa na kuenguliwa kwa jina lake, lakini hatakata rufaa
"Nimeshitushwa na kuenguliwa katika kinyan'ganyiro cha uchaguzi mapema hata hivyo sifikirii kukata rufaa"
"Wakati huu Simba inahitaji mshikamano kutokana na kushiriki michuano mikubwa ikiwa inaelekea kukutana na FC Platinum. Sipendi niwe sababu ya mgawanyiko wowote ambao unaweza kuathiri umoja wetu kuelekea mchezo huo," alisema
Soloka na Mzee Hassan Dalali aliyewahi kuwa Mwenyekiti wa Simba ndio wagombea pekee walioenguliwa katika hatua za awali
