Kabla ya msimu uliopita, misimu miwili nyuma, Simba haikuipa kipaumbele michuano ya kombe la Shirikisho la Azam (ASFC) na ilitolewa katika raundi ya tatu kwa misimu miwili mfululizo
Leo tena Simba iko uwanjani, katika michuano hiyo ambayo msimu uliopita walitwaa ubingwa
Jambo ambalo Wanamsimbazi hawatakuwa tayari kulishuhudia ni iwapo kocha atafanya mabadiliko makubwa ya kikosi ambayo yanaweza kuathiri timu
Huu ni mchezo ambao kocha Sven Vandenbroeck anaweza kuutumia kurejesha imani ya mashabiki waliokata tamaa na mbinu zake
Ukipita kwenye kurasa za mitandao ya kijamii utaona mashabiki wengi wanatamani kuona Sven anaanza na kikosi imara wakitamani kuona anatumia washambuliaji wawili Meddie Kagere na Chris Mugalu au Bocco ambaye hakucheza kule Zimbabwe kutokana na kusumbuliwa na majeraha
Simba haipaswi kuwadharau Majimaji kwa kuwa ni timu inayocheza ligi daraja la kwanza, wengi hawajasahau kilichotokea misimu miwili nyuma
Mchezo huu uwe sehemu ya maandalizi ya kikosi cha Simba kuelekea mechi kubwa ya marudiano ligi ya mabingwa dhidi ya Platinum Fc
