Muda mfupi baada ya mchezo dhidi ya Platinum Fc ambao Simba ilipoteza ugenini kwa kufungwa bao 1-0, Kocha Mkuu wa Simba Sven Vandenbroeck alifanya kikao cha dharura na wachezaji wake hotelini akiweka mkakati wa mchezo wa marudiano ambao utapigwa wiki mbili zijazo jijini Dar es salaam
Jana baada ya mchezo kukamilika, Sven alionekana kuchukizwa na matokeo hayo akiweka mkakati wa kupindua meza nyumbani
Mbelgiji huyo anaweza kuwa kwenye wakati mgumu kama atashindwa kuivusha Simba hatua ya makundi
Iko wazi, amekosolewa sana na mbinu zake, kukiweka kibarua chake salama, atahitaji kuwaondosha Platinum Fc
Simba imeweka kipaumbele kucheza makundi michuano ya ligi ya mabingwa lakini hata ikikosa matokeo kwenye mchezo wa marudiano, itakuwa na tiketi nyingine ya kusaka kutinga makundi michuano ya kombe la Shirikisho
Ni wazi Sven anafahamu Simba haitaendelea kumvumilia kama atashindwa kuivusha makundi ligi ya mabingwa
