Kocha Mkuu wa Simba Sven Vandenbroeck amesema vijana wake walipambana katika mchezo dhidi ya KMC jana, ushindi ni matokeo waliyostahili
Aidha Sven amesema walifahamu mchezo huo hautakuwa mwepesi kwa kuwa KMC ni moja ya timu bora kwenye ligi msimu huu
"Niliwaambia wachezaji kwamba hautakuwa mchezo rahisi kupata matokeo, walipambana na nimefurahishwa kwa sababu tumepata pointi tatu muhimu, " alisema Sven
"Sijali, tumeshinda. Ikiwa ilikuwa ni kuotea au la, penati au si penati, tumeshinda. Sijali, hayo mengine ni mazungumzo, yanabakia kuwa mazungumzo ya vyombo vya Habari. Nimefurahishwa na matokeo ya 1-0 na juhudi zilizooneshwa na wachezaji wangu," aliongeza Sven
Meedie Kagere ndiye aliyefunga bao la Simba kupitia mkwaju wa penati kwenye dakika ya 77 baada ya mwamuzi Elly Sassie kutoa penati hiyo kutokana na tukio la winga wa KMC Hassan Kabunda kuunawa mpira ndani ya eneo la hatari
