Bao lamuongezea mzuka Morrison

Winga wa Simba Bernard Morrison ameeleza furaha yake baada ya kufunga bao lake la kwanza kwenye ligi msimu huu

Katika mchezo dhidi ya Coastal Union ambao Simba iliondoka na ushindi wa mabao 7-0, Morrison alifunga moja ya mabao hayo pamoja na kutoa pasi moja ya goli

Mghana huyo aliyetua Simba baada ya kuwatosa Yanga, amesema bao hilo limemuongezea mzuka na anaamini ataendelea kutupia kwa kuwa amezunguukwa na wachezaji wenye uwezo mkubwa

"Nina furaha kufunga goli langu la kwanza la ligi nikiwa na Simba. Kwa wachezaji wazuri tulionao najua ninaweza kufunga zaidi hivyo huu ni mwanzo tu wa mambo makubwa ambayo yatakuja," alisema Morrison

Morrison alicheza mchezo wake wa kwanza jana baada ya kumaliza adhabu ya kufungiwa michezo mitatu