Hakuna muda wa kupoteza tena baada ya Shirikisho la soka barani Afrika (CAF) kuweka hadharani ratiba za hatua ya awali michuano ya ligi ya mabingwa barani Afrika na kombe la Shirikisho
Kikosi cha Simba kinaingia kambini leo kuanza maandalizi kuelekea mchezo wa kwanza dhidi ya mabingwa wa Nigeria Plateau United ambao utapigwa kati ya Novemba 27-29 kule Nigeria
Kabla ya mchezo huo, Simba inakabiliwa na michezo miwili ya ligi dhidi ya Coastal Union, mchezo utakaopigwa Novemba 21 ugenini mkoani Tanga na mchezo dhidi ya Dodoma Jiji ambao utapigwa Novemba 24 mkoani Dodoma
Wachezaji ambao hawana majukumu ya timu za Taifa, wametakiwa kuingia kambini kuanza maandalizi hayo
Simba inawakosa takribani wachezaji 14 kutokana na majeruhi na wengine kuitwa timu za Taifa
Kocha Sven Vandenbroeck atalazimika kujumuishwa wachezaji wa timu ya vijana katika kikosi chake
