Mwekezaji wa klabu ya Simba Bilionea Mohammed Dewji amewasifu wachezaji wa timu hiyo kwa kujituma na kupambana kuhakikisha wanapata matokeo uwanjani
Mo ametoa kauli hiyo siku moja baada ya mchezo dhidi ya Yanga ambao ulimalizika kwa matokeo ya sare ya bao 1-1
Waamuzi wa mchezo huo wameshushiwa lawama kwa kutoitendea haki Simba katika matukio mengi kwenye mchezo huo
Mo amesema ni utamaduni wa Simba kupigania matokeo ndani ya uwanja, pamoja na changamoto wanazokutana nazo, anaamini watatimiza malengo
"Tuna timu bora, tunacheza kwa moyo na tunajituma kupata matokeo mazuri uwanjani. Safari bado ni ndefu, Insha'Allah tutatimiza malengo yetu," aliandika Mo kwenye ukurasa wake wa mtandao wa kijamii
Mabingwa hao wa nchi wanasubiri droo ya hatua ya awali michuano ya ligi ya mabingwa msimu huu. Droo hiyo itafanyika nchini Misri leo, baadae Simba itafahamu timu itakayokutana nayo katika hatua hiyo
