Simba kutest mitambo dhidi ya Ndanda Fc leo

Saa 11 jioni ya leo pale uwanja wa Azam Complex, mabingwa wa nchi Simba watakuwa na jambo lao pale watakaposhuka kwenye dimbani kuumana na Ndanda Fc katika mchezo wa kujipima nguvu

Baada ya mapumziko ya mechi za timu ya taifa, Simba inarejesha burudani kwa mashabiki wake wakianza na Ndanda leo

Watarejea tena hapo Azam Complex, Oktoba 17 kuikabili Mlandege Fc

Kocha Mkuu wa Simba Sven Vandenbroeck amesema atatumia mchezo huo kuwachangamsha vijana wake ikiwa ni maandalizi ya mchezo wa ligi dhidi ya Tanzania Prisons ambao utapigwa Oktoba 22

Wanasimba leo watarajie kuwashuhudia nyota wao mahiri wakiwemo Bernard Morrison na Luis Miquissone ambaye hakusafiri nchini Msumbiji kutokana na sababu za kifamilia