Mkuu wa Kitengo cha Habari na Mawasiliano klabu ya Simba Haji Manara, amewataka mashabiki wajitokeze kwa wingi uwanja wa Benjamin Mkapa keshokutwa Jumapili katika mchezo wa ligi kuu dhidi ya Biashara United
Manara amebainisha kuwa mchezo huo utapigwa kuanzia saa moja kamili usiku
Aidha, Manara ameeleza kuwa klabu ya Simba imeridhika na uamuzi wa Bodi ya Ligi kushusha bei ya viingilio katika michezo inayopigwa uwanja wa Mkapa
"Tumepokea kwa furaha uamuzi wa Bodi ya Ligi kushusha viingilio hasa kwa majukwaa ya Mzunguuko. Ni matarajio yetu mashabiki wa Simba mtajitokeza kwa wingi siku ya Jumapili, kushuhudia Burudani itakayokuwa na idadi ya mabao sahihi kutoka kwa timu yenu"
"Tunawaambia ndio tunarudi nyumbani, tunaanza kuwakera," alisema Manara
Bodi ya ligi imeshusha bei ya viingilio kwa majukwaa ya Mzunguuko kutoka Tsh 5,000/- mpaka Tsh 3,000/-
Mashabiki wa Simba watakuwa na kwanza kunufaika na maamuzi hayo siku ya Jumapili
