Beki mpya wa Simba Ibrahim Ame amesema licha ya kukosa nafasi kwenye kikosi cha kwanza wakati huu, hana wasiwasi kwani anaendelea kujifunza kutoka kwa nyota aliowakuta
Ame ametua Simba dirisha la usajili lililopita akitokea klabu ya Coastal Union ya mkoani Tanga
Bado hajafanikiwa kujihakikishia nafasi kwenye kikosi cha Sven Vandenbroeck akicheza mchezo mmoja wa kirafiki dhidi ya Vilat'o katika tukio la Simba Day
Ame amesema kikosi cha Simba kimesheheni wachezaji wengi mahiri hivyo, anaamini ni sahihi kuutumia wakati huu kujifunza
Mzanzibar huyo amesema Simba ina kila sababu ya kutetea mataji yake waliyotwaa msimu uliopita kutokana na ubora wa kikosi chao
"Kwa ubora wa timu tuliyonayo, Simba iko tayari kupigania mataji yote tunayoshiriki. Ushindani wa namba pia ni jambo jema kwa timu hasa kocha kwani anakuwa na wigo mpana wa kuchagua kikosi chake," Ame aliiambia tovuti ya Simba
