Kikosi cha mabingwa wa soka Tanzania Bara Simba leo Jumamosi saa kumi jioni kitashuka katika dimba la Jamhuri mkoani Morogoro kuikabili Mtibwa Sugar katika mchezo wa ligi kuu ya Vodacom
Ni mchezo wa raundi ya pili msimu huu, mabingwa hao watetezi wakiwa wanasaka ushindi wao wa pili
Msemaji wa Simba Haji Manara amebainisha kuwa wanafahamu hautakuwa mchezo mwepesi kama ilivyo michezo yote wanayocheza dhidi ya wakata miwa hao
Hata hivyo amesema lengo la Simba ni kuhakikisha wanaondoka na alama zote tatu
Simba wako mkoani Morogoro wakiwa na silaha zote kama Bernard Morrison, Luis Miquissone, Paschal Wawa, Clatous Chama, Larry Bwalya, Jonas Mkude, Joash Onyango na majembe kibao
Mchezo huo utapigwa kuanzia saa kumi Alasiri, ni mmoja wa michezo mitatu ambayo inapigwa leo
