Simba yaingia kambini kuiwinda Mtibwa Sugar

Kikosi cha mabingwa wa soka Tanzania Bara Simba leo kinaingia kambini kwa ajili ya maandalizi ya mchezo dhidi ya Mtibwa Sugar ambao utapigwa Jumamosi, Septemba 12 kwenye uwanja wa Jamhuri

Mabingwa hao wa nchi walianza mazoezi jana baada ya mapumziko ya siku moja

Waliuanza msimu mpya kwa ushindi mkoani Mbeya kwa kuichapa Ihefu Fc mabao 2-1

Mkuu wa Idara ya Habari na Mawasiliano Haji Manara amesema timu inatarajiwa kuelekea mkoani Morogoro kesho Alhamisi

Simba imeweka malengo ya kutetea ubingwa kwa msimu wa nne mfululizo