Ni raha tupu kuwa shabiki wa mabingwa wa nchi Simba, hakika ubingwa wa msimu wa nne mfululizo dalili zimeonekana mapemaaa
Ni kutokana na kiwango cha kutisha kilichoonyeshwa na Simba kwenye mchezo Simba Day wakiwafumua Vital'o kutoka Burundi mabao 6-0
Huu ulikuwa ni mchezo maalum kutambulisha kikosi cha mabingwa hao wa nchi kuelekea msimu mpya
Kabla ya mchezo huo kulikuwa na utambulisho wa wachezaji wote waliosajiliwa kwa ajili ya msimu ujao
Simba imeleta mafundi! Huyu Larry Bwalya, sio mtu mzuri, kiungo fundi anayelifanya soka lionekane kama kitu rahisi sana
Mabosi wa Kamati ya usajili Simba wanastahili pongezi kwa usajili wa fundi huyu kutoka nchini Zambia
Lakini mtukutu Bernard Morrison akiwa amefunga moja ya mabao ya Simba, amedhihirisha kwa nini Yanga bado wanaumia baada ya kuwatosa
Ni mchezaji haswa aliyestahili kuwa ndani ya kikosi cha Simba. Mwenyewe ameonyesha kufurahia zaidi maisha yake ndani ya Simba. Akiweka wazi kuwa Simba ni Chuo Kikuu cha mafunzo ya soka Tanzania pale alipokuwa akitambulishwa
Nyota wengine wapya Chris Mugalu na Charles Ilanfya nao wameanza maisha yao vyema wakipachika mabao katika mchezo huo
Lakini pia ilikuwa siku nzuri kwa nahodha John Bocco ambaye ameendeleza rekodi yake nzuri ya mabao akifunga bao safi kwenye mchezo huo
Mabao mengine yaliwekwa kambani na mwamba wa Lusaka Clatous Chama na Ibra Cadarba, Ajib Migomba
Huu ulikuwa mchezo wa kutambulisha timu ya msimu mpya, ni kama kutest mitambo tu! Mziki kamili haukuachiwa...!
