Timu ya Namungo FC, imewasili Sumbawanga kuikabili Simba kwenye mechi ya fainali za Kombe la FA itakayochezwa kwenye Uwanja wa Nelson Mandela mjini humo mwishoni mwa wiki.
Msafara wa timu hiyo ukuwa na wachezaji 22 uliwasili Sumbawanga jana ukitokea Mwanza walikotoka kukamilisha ratiba ya Ligi Kuu dhidi ya Alliance ambapo walipoteza kwa mabao 3-2 uliofanyika Uwanja wa Nyamagana.
Akizungumza kutoka Sumbawanga, kocha wa timu hiyo, Hitimana Thierry alithibitisha hilo na kudai kikosi hicho kinatarajiwa kuanza mazoezi ya kujiandaa na mchezo huo leo.
Wakati Namungo ikiwahi Sumbawanga, Simba imeweka kambi ya siku tatu mkoani Mbeya wakijiandaa na mchezo huo ambao utapigwa siku ya Jumapili
Mabingwa hao wa soka Tanzania Bara wanafanya mazoezi yao kwenye uwanja wa Sokoine na wanatarajiwa kuelekea mkoani Rukwa siku ya Ijumaa
