Bocco anogesha ubingwa Moshi, Polisi Tanzania yafa 2-1

Mabingwa wa nchi Simba wamekamilisha hesabu za msimu huu kibabe baada ya kuichapa Polisi Tanzania mabao 2-1 katika mchezo uliopigwa uwanja wa Ushirika, Moshi

Mabao yote ya Simba yaliwekwa kambani na nahodha John Bocco huku lile la kufutia machozi kwa upande wa Polisi Tanzania lilifungwa na Marcel Kaheza kwa mkwaju wa penati

Simba imemaliza msimu ikifikisha alama 88 ikifuatiwa na Yanga iliyokamilisha msimu ikiwa na alama 72, mbele ya Azam Fc yenye alama 70

Timu za Lipuli Fc, Ndanda na Alliance Fc zimeteremka daraja wakati Mbeya City na Mbao Fc zitacheza michezo ya Play-off