Namungo Fc imefanikiwa kutinga fainali ya michuano ya kombe la Shirikisho (ASFC) baada ya kuichapa Sahare All Stars bao 1-0 katika mchezo wa nusu fainali uliopigwa uwanja wa Mkwakwani mjini Tanga
Edward Charles Manyama aliihakikishia Namungo ushindi huo muhimu ambao umewasogeza mlangoni karibu kupata tiketi ya kushiriki michuano ya kombe la Shirikisho Barani Afrika msimu ujao
Iko hivi, siku ya kesho Namungo watakuwa wakiombea Simba iweze kuibuka na ushindi dhidi ya Yanga na kuweza kutinga fainali
Hatua hiyo itawahakikishia tiketi ya kushiriki michuano hiyo namba mbili kwa ukubwa kwa ngazi ya vilabu barani Afrika hata kama watafungwa na Simba kwenye mchezo wa fainali
Simba tayari inayo tiketi ya kushiriki michuano ya ligi ya mabingwa baada ya kutwaa ubingwa wa ligi kuu, hivyo kama itatinga fainali itakachohitaji ni kombe tu, nafasi ya pili ya ushiriki watawaachia Namungo
Hiyo kwa mujibu wa kanuni za michuano hiyo
