Afisa Habari na Msemaji wa Simba, Mabingwa wa nchi, Haji Manara amesema wanauchukulia kwa uzito mkubwa mchezo wao wa nusu fainali kombe la FA dhidi ya Yanga ambao utapigwa Julai 12 katika uwanja wa Taifa
Manara amesema mchezo huo utawapa heshima yao, wao ndio mabingwa wa nchi hii na hakuna timu yoyote nchini ambayo inaweza kupimana nao ubavu
Aidha Manara amesema watailipia Kagera Sugar dhurma waliyofanyiwa na Waamuzi kwenye mchezo wao dhidi ya Yanga
"Tuliusubiri kwa hamu mchezo huu, tunamshukuru Mungu ametukutanisha nao. Lengo kuu ni kushinda mataji mawili msimu huu, hivyo siku hiyo hatutakuwa na huruma"
"Wamenusurika mara ya kwanza, wakanusurika mara ya pili, safari hii hatutawaacha," alitamba Manara
"Lakini pia juzi kuna dhurma ilifanyika kwenye mchezo wao dhidi ya Kagera Sugar, hatuwezi kuacha hivihivi lazima ilipwe. Wao walitaka nusu fainali kwa kudhurumu sasa wameipata na wajiandae kisaikolojia"
Kuelekea mchezo huo, mashabiki wa Simba wameonekana kujiamini na kutambia ubora wa timu yao huku wenzao wa Yanga wakiingiwa na hofu hasa baada ya kuishuhudia Simba ikicheza 'kandanda la kutisha' kwenye mchezo wa nusu fainali dhidi ya Azam Fc
