Mabingwa wa nchi Simba wamekaribia kutwaa ubingwa wa tatu mfululizo ligi kuu ya Vodacom baada ya kuichapa Mbeya City mabao 2-0 katika mchezo uliopigwa uwanja wa Sokoine mkoani Mbeya
Simba iliuanza mchezo huo kwa kasi na ilihitaji dakika tano tu kufunga bao la kwanza kupitia kwa nahodha John Bocco
Krosi murua iliyopigwa na Clatous Chama ilitua mguuni kwa Bocco ambaye bila ajizi aliweka chuma kimiani
Mabingwa hao wa nchi, waliendelea kucheza soka la kibingwa hesabu zikiwa kuondoka na alama zote tatu
Ilikuwa siku nzuri kwa Bocco kwani kwenye dakika ya 55 aliongeza bao la pili ambalo liliihakikishia Simba kuondoka na alama zote tatu
Simba imefikisha alama 78 baada ya ushindi huo na sasa huenda ikahitaji kushinda mchezo dhidi ya Tanzania Prisons ili kutetea ubingwa wake
