KMC wamemtimua Mayanja, Zahera ataibukia huko?

Klabu ya KMC imetangaza kuachana na aliyekuwa kocha wake Mkuu Jackson Mayanja baada ya mfululizo wa matokeo mabaya

Jana timu hiyo ilifungwa na Kagera Sugar mabao 2-1 kwenye mchezo uliopigwa uwanja wa Uhuru

Mayanja anakuwa kocha wa pili kuonyeshwa mlango wa kutokea wiki hii baada ya Yanga kumtimua Zahera siku chache zilizopita

Amedumu KMC kwa miezi minne tu akiiongoza timu hiyo kutolewa kombe la Shirikisho hatua ya awali na wakati kwenye ligi KMC imejikusanyia alama nane tu baada ya kucheza mechi nane

Je Mcongomani Mwinyi Zahera anaweza kuibukia KMC? Hivi karibuni alisema atarejea kuishi Tanzania ambako ana mpango wa kuanzisha Academy ya soka