Wakiwa kwenye ubora wa hali ya juu, mabingwa wa nchi Simba wamezidi kuukaribia ubingwa wa tetu mfululizo baada ya kuifumua Mwadui Fc mabao 3-0 katika mchezo uliopigwa uwanja wa Taifa
Simba iliyokuwa bora sana, ilianza mahesabu mapema tu kwa bao safi la kuongoza lililowekwa kimiani na Hassan Dilunga 'HD' ambaye hilo lilikuwa bao lake la saba msimu huu
Baada ya kupata bao la kuongoza, Simba iliendelea kutia presha langoni kwa Mwadui Fc na ilifanikiwa kupata bao la pili, mlinzi wa Mwadui Fc akiijaza kimiani krosi ya Shomari Kapombe
Wakiwa wanafahamu mchezo wa leo ulikuwa muhimu kwao, vinara hao wa ligi walikwenda mapumziko wakiwa mbele kwa mabao 2-0
Bao la tatu lilipatikana kwenye dakika ya 58 likiwekwa kambani na mkongwe, nahodha John Raphael Bocco 'Adebayor'
Katika kipindi cha pili kocha Sven Vandenbroeck alifanya mabadiliko ya wachezaji kwa kuwaingiza Clatous Chama, Meddie Kagere, Francis Kahata, Yusufu Mlipili katika nafasi za Bocco, Dilunga, Miquissone na Kapombe
Ni mabadiliko yaliyoifanya Simba iendelee kutawala mchezo zaidi licha ya kuwa haikuongeza mabao zaidi
Ushindi huo umeifanya Simba ifikishe alama 75 sasa ikihitaji alama 10 kutoka mechi nane zilizobaki
Matokeo ya mechi zote zilizopigwa leo
