Beki kisiki wa klabu ya Simba Paschal Wawa amesema mchezo dhidi ya Azam Fc wa michuano ya kombe la FA hautakuwa mwepesi
Msimu huu Wawa ameshiriki michezo yote mitatu ambayo Simba ilicheza na Azam Fc na mabingwa hao wa nchi kushinda yote
Mchezo wa robo fainali baina ya timu hizo ambao utapigwa Julai 01, utakuwa wa nne
Wawa amesema Azam Fc ni moja ya timu bora, hata hivyo wamejipanga kuhakikisha wanashinda ili waweze kutinga nusu fainali
Simba imepania kushinda taji la FA, ili kuhakikisha wanamaliza msimu na mataji matatu, wakiwa tayari wameshinda Ngao ya Jamii na wanakaribia kuhifadhi taji la Ligi Kuu kwa msimu wa tatu mfululizo
"Azam ni timu nzuri tunaijua na tukikutana ushindani unakuwa mkubwa lakini tutajipanga kuhakikisha tunapata matokeo ya ushindi na kuingia nusu fainali," alisema
