Msemaji wa Ruvu Shooting, Masau Bwire anafahamika kwa maneno yake mengi pale timu yake inapokwenda kucheza na Simba
Mwalimu huyo mahiri wa Hisabati ameanza tambo zake kuelekea mchezo dhidi ya Simba ambao utapigwa Juni 14 katika uwanja wa Taifa
Bwire ametamba kuwa Simba wasitegemee kupata urahisi kwenye mchezo huo.
"Maandalizi yetu yameanza kwa kasi na kabla ya ligi haijasimama tulikuwa tumejipanga kucheza na mkubwa huyo wa Kariakoo, lakini kutokea kwa dharura na kusimamishwa kwa michezo, kambi yetu imerejea kwa kasi kujipanga dhidi ya Simba na kutimiza malengo ya kuchukua pointi tatu," alisema Bwire
Katika misimu ya hivi karibuni Simba imekuwa ikitoa vipigo vikali kwa Ruvu Shooting kila timu hizo zinapokutana
Katika mchezo wa duru ya kwanza, Simba iliibuka na ushindi mnono wa mabao 3-0
Kipigo ambacho Bwire hawezi kukisahau ni kile cha mwaka juzi, ambapo Simba ilishinda mabao 7-0
