Mtendaji Mkuu wa klabu ya Simba Senzo Mazingisa amesema kwa kiasi kikubwa Simba imepiga hatua na sasa inaweza kuwa kwenye ligi moja na vilabu vikubwa Afrika Kusini kama Orlando Pirates na Kaizer Chiefs
Katika mahojiano na jarida maarufu la Kick-off, Senzo amesema sasa wanafanya jitihada za kuimarisha uchumi wa klabu ili waweze kuwa na ushindani sawa na timu kubwa barani Afrika
"Kwenye suala la umaarufu, Simba ni miongoni mwa klabu kubwa barani Afrika. Kwa sasa tunaongoza kwa uungwaji mkono Tanzania na hata Afrika Mashariki kwa ujumla. Tuko miongoni mwa timu zinazofuatiliwa zaidi kwenye mitandao ya kijamii barani Afrika"
"Upande wa miundombinu nako hatuko mbali. Tuna uwanja wetu wa mazoezi 'Mo Simba Arena' ambao una nyasi bandia na asili, tuna kambi yetu binfasi ambayo inakibidhi viwango vyote vya ubora," alisema Senzo
"Upande wa kikosi tuna wachezaji tisa wa kigeni ambao asilimia kubwa wanazitumikia timu za Mataifa yao. Hii inamaanisha tunashindana kwenye soko la uhamisho na vilabu vikubwa barani Afrika"
"Changamoto kubwa ambayo tayari tumeweka mikakati ni kuimarisha uchumi wetu ili tuweze kuwa na nguvu za kushindana sawasawa na vilabu vingine ambayo vimejiimarisha kiuchumi"
