Kwa sasa mashabiki wa Simba wanakosa burudani kutoka kwa nyota wao kutokana na changamoto ya ugonjwa wa corona
Hata hivyo kwa sasa ni muhimu zaidi kulinda afya na uhai kwa kufuatia maelekezo yote ili kujikinga na ugonjwa huo
Kiungo mshambuliaji wa Simba Luis Miquissone yeye yuko kwao nchini Msumbiji ambako amekwama kurejea nchini kutokana na janga hilo
Katika mahojiano aliyofanya na mtandao wa klabu ya Simba, Miquissone alieleza 'kumis' majukumu yake hasa kuwapa burudani na furaha mashabiki wa mabingwa hao wa nchi
Miquissone aliyetua Simba mwezi Januari, amepachika mabao matatu
Katika mabao hayo aliyofunga, bao analolikumbuka zaidi ni lile alilofunga dhidi ya Biashara United
Lilikuwa ni bao lake la kwanza Simba, akifunga kwa shuti kali la mguu wa kulia
Mechi hiyo ilichezwa Uwanja wa Taifa Februari 22 na Simba kufanikiwa kuibuka na ushindi mabao 3-1
